Францыя: затрыманы былы кіраўнік контрвыведкі

Былы шэф контрвыведкі трапіў спачатку ў СІЗА, але потым суд выпусьціў яго пад падпіску, паведаміла штодзёнка "Le Figaro".

Скарсіні падазраецца ў тым, што пасьля сыходу з агенцтва ён надалей выкарыстоўваў свой уплыў і кантакты ў Генэральнай дырэкцыі ўнутранай бясьпекі (DCRI), на патрэбы сваіх новых кліентаў і заказчыкаў.

Скарсіні быў адным з самых блізкіх паплечнікаў экс-прэзыдэнта Нікаля Сарказі і ўзначальваў DCRI ў гады ягонага прэзыдэнцтва (2007-2012). Сьледзтва ў дачыненьні да яго па фактах карупцыі пачалася ў красавіку пасьля ператрусаў у ягонай кватэры ды офісах фірмы ў зьвязку з трыма іншымі расьсьледаваньнямі, адно зь якіх тычыцца лівійскага фінансаваньня прэзыдэнцкай кампаніі Сарказі ў 2007 годзе.

ПР/юл