Пасажырскі самалёт разьбіўся ў Пакістане
PR dla Zagranicy
Anna Zadrożna
07.12.2016 16:03
На борце машыны Pakistan International Airlines знаходзіліся 47 чалавек.
PAP/EPA/STRINGER
На поўначы Пакістану разьбіўся пасажырскі самалёт пакістанскага дзяржаўнага авіяперавозчыка Pakistan International Airlines. На борце машыны знаходзіліся 47 чалавек.
Невялікі турбавінтавы ATR-42 ляцеў з горада Чытрал у сталіцу краіны Ісламабад. Паводле мясцовай паліцыі, самалёт пацярпеў крушэньне ў горнай мясцовасьці прыкладна ў 70 кілямэтрах ад Ісламабада.
Сьведкі, якіх цытуюць мясцовыя СМІ, сьцьвярджаюць, што няма ніякіх шанцаў на тое, каб нехта выжыў у катастрофе.
Нагадаем, у мінулым пакістанскі авіяперавозчык неаднойчы абвінавачваўся ў парушэньні працэдур бясьпекі. З-за гэтага ў 2007 годзе Эўразьвяз забараніў авіякампаніі выконваць рэйсы ў Эўропу. Годам раней у выніку авіякатастрофы адной з машынаў пакістанскіх авіялініяў загінулі 45 чалавек.
Пакістанская авіякампанія агулам мае 38 самалётаў.
аз