90 тыс. хрысьціян былі забітыя ў 2016 годзе на рэлігійнай глебе
PR dla Zagranicy
Alena Vialichka
31.12.2016 07:01
70% загінулых, то бок 63 тысячы, былі забітыя ў выніку племянных канфліктаў у Афрыцы.
pixabay.com
90 тыс. хрысьціян былі забітыя ў 2016 годзе на рэлігійнай глебе, паведаміў вядомы італьянскі сацыёляг, прафэсар Папскага Салезіянскага ўнівэрсытэта (Італія) Масіма Інтравінье.
«Кожныя шэсьць хвілін гінуў адзін чалавек. Гэта крыху менш, чым два гады таму, калі былі забітыя 105 тысяч хрысьціян. У гэтым годзе 70% загінулых, то бок 63 тысячы, былі забітыя ў выніку племянных канфліктаў у Афрыцы», – распавёў экспэрт у інтэрвію «Радыё Ватыкана», спасылаючыся на дадзеныя аўтарытэтнага амэрыканскага Цэнтра вывучэньня сусьветнага хрысьціянства.
Па словах Масіма Інтравінье, астатнія 3%, то бок 27 тыс. хрысьціян загінулі па прычыне тэрактаў, зьнішчэньня хрысьціянскіх паселішчаў, з-за перасьледу з боку ўрада.
Кажучы пра факты перасьледу хрысьціян у 2016 годзе, прафэсар адзначыў, што, паводле дадзеных розных дасьледчых цэнтраў, у 102 краінах сьвету ад 500 да 600 млн. хрысьціян ня могуць у поўнай свабодзе вызнаваць сваю веру.
Паводле яго слоў, менавіта хрысьціяне зьяўляюцца найбольш перасьледуемай рэлігійнай групай у сьвеце.
ав