Logo Polskiego Radia
Print

Швэцыя спыніла крымінальную справу супраць Асанжа

PR dla Zagranicy
Alaksandar Papko 19.05.2017 16:02
Стваральнік парталу WikiLeaks, які 5 гадоў хаваўся ў амбасадзе Эквадору, можа нарэшце пакінуць прытулак.
wikimedia commons/David G Silvers/CC BY-SA 2.0

Пракуратура Швэцыі заявіла, што зачыняе крымінальную справу супраць стваральніка парталу WikiLeaks Джуліяна Асанжа. Справа была ўзбуджаная 7 гадоў таму. У Швэцыі Асанжа абвінавачвалі ў сэксуальным дамагальніцтве й згвалтаваньні.

Генэральны пракурор Швэцыі Марыян Най (Marianne Ny) прыняла рашэньне спыніць расьследаваньне ў справе меркаванага згвалтаваньня, у якім падазраваўся Джуліян Асанж – заявіла прэс-служба швэдзкай пракуратуры.

З 2012 году Асанж знаходзіцца ў амбасадзе Эквадору ў Лёндане. Ён быў вымушаны схавацца ў дыпляматычным прадстаўніцтве, каб пазьбегнуць экстрадыцыі ў Швэцыю, дзе яго абвінавачвалі ў згвалтаваньні. Асанж абвінавачваньні абвяргае. Ён заяўляе, што ў выпадку экстрадыцыі ў Швэцыю, швэдзкія ўлады перадалі б яго яго ўладам ЗША. У Злучаных Штатах супраць Асанжа ўзбудзілі крымінальную справу за разгалошаньне парталам WikiLeaks сакрэтных амэрыканскіх дакумэнтаў.

PAP/ап

Print
Copyright © Polskie Radio S.A Пра нас Кантакт