Сынгапур перажыў найбуйнейшую кібэратаку ў гісторыі

У Сынгапуры ў выніку кібэратакі выкралі асабістыя дадзеныя 1,5 млн чалавек. Хакеры ўзламалі базу дадзеных аднаго з двух найбуйнейшых дзяржаўных мэдыцынскіх дэпартамэнтаў SingHealth, выкраўшы імёны й адрасы пацыентаў, а таксама назвы лекаў, прапісаных ім. Масіў дадзеных ахоплівае пэрыяд з 1 мая 2015 году па 4 ліпеня 2018 году.

Дзеяньні кібэрзлачынцаў закранулі амаль чвэрць насельніцтва краіны, у тым ліку прэм'ер-міністра краіны Лі Сянь Луна.

Улады запэўнілі, што дыягназы, вынікі аналізаў і мэдыцынскія заключэньні скрасьці ці змяніць не ўдалося.

Атаку ўжо назвалі найбуйнейшай у гісторыі Сынгапура.

Агенцтва кібэрбясьпекі Сынгапура паведаміла, што дзеяньні хакераў былі мэтанакіраванымі й добра сплянаванымі. Пра канкрэтных падазраваных не гаворыцца.

корреспондент/вс