«Атлянтычная рашучасьць» дзеліць Расею й Беларусь
PR dla Zagranicy
Jury Lichtarowicz
16.01.2017 15:30
NATO перакідвае на свой усходні флянг цяжкое ўзбраеньне ды шматнацыянальныя брыгады.
Amerykański czołg podstawowy M1A2 Abrams podczas rozładunkuStaff Sgt. Grady Jones, 3rd ABCT Public Affairs, 4th Inf. Div./flickr/The U.S. Army/CC BY 2.0
Новы 2017 год прынёс зьмены ў Цэнтральнай Эўропе. У рамках апэрацыі «Атлянтычная рашучасьць» NATO перакідвае на свой усходні флянг цяжкое ўзбраеньне ды амэрыканскія й шматнацыянальныя брыгады. Масква бачыць у гэтым пагрозу, а Менск - не.
Перанос войскаў NATO ў Польшчу ды балтыйскія краіны пачаўся адразу з надыходам Новага года. Пэнтагон пачаў разгортваньне ў Польшчы бранятанкавай ды ўзмоцненай авіяцыйнай брыгад. Агулам гэта каля 6 тысяч жаўнераў, 87 танкаў Abrams, 144 БМП Bradley, самаходныя артылерыйскія ўстаноўкі ды каля 74 баявых верталётаў. Апроч таго Паўночнаатлянтычны пакт разгортвае ў Польшчы, Летуве, Латвіі ды Эстоніі ўзмоцненыя шматнацыянальныя батальёны, каля 4000 чалавек.
Масква назвала гэта непасрэднай пагрозай ды пачала нарошчваць сваю групоўку ў Калінінградзкай вобласьці ды на межах з Беларусьсю. Гэтаксама Крэмль цісьне на Беларусь, каб Менск пагадзіўся на разьмяшчэньне расейскіх вайсковых базаў на сваёй тэрыторыі. Беларускія ўлады, якія ў 1190-ыя гады крычалі, што будуць касьцямі класьціся пад NATO-ўскія танкі, цяпер маюць больш памяркоўную рыторыку. Афіцыйны Менск заявіў, што разгортваньне войскаў NATO выклікае непакой, але прамой пагрозы не нясе.
Адкуль такая розьніца ў падыходах да колішняга адзінага ворага, і ці не прывядзе гэта да пагаршэньня адносін паміж чальцамі Саюзнай дзяржавы. Гэтыя пытаньні мы абмяркоўваем з палітолягам Паўлам Усавым.
Поўную размову слухайце ў гукавым файле
Размаўляў Юры Ліхтаровіч