Армяне выйшлі на вуліцы, каб супрацьстаяць аўтарытарызму

Людзі незадаволеныя тым, што ў краіне не адбылося зьмены ўлады.

Былы прэзыдэнт Армэніі Серж Саргсян абяцаў, што пасьля двух тэрмінаў аддасьць уладу. Аднак падчас яго кіраваньня ў краіне адбылася Канстытуцыйная рэформа. Армэнія з прэзыдэнцкай рэспублікі пераўтварылася ў парлямэнцкую, а прэм’ер-міністар атрымаў большыя паўнамоцтвы, чым раней меў прэзыдэнт.

17 красавіка армянскі парлямэнт абраў прэм’ер-міністрам былога прэзыдэнт. "За" прагаласавалі 77 з 94 дэпутатаў. Саргсян кіруе Армэніяй з 2008-га года. Ён абяцаў, што больш ня будзе балятавацца на пасаду кіраўніка краіны.

Ягоныя перавыбары абурылі армян. З 16 красавіка ў Ерэване ды іншых гарадах Армэніі працягваюцца мітынгі пратэстаў з заклікамі адстаўкі новаабранага прэм’ера. Учора паліцыя затрымала апазыцыйнага дэпутата, лідара пратэсту Нікола Пашыняна. Аднак гэта не правяло да спыненьня пратэстаў.

Сёньня раніцай сотні чалавек зноў выйшлі на вуліцы армянскай сталіцы ў рамках кампаніі грамадзянскага непадпарадкаваньня. Да пратэстоўцаў далучыліся вайскоўцы, студэнты да працаўнікі прадпрыемстваў. Чым скончыцца гэтае супрацьстаяньне ўлады ды армянскага грамадзтва? Пра гэта мы запыталіся ў палітоляга Паўла Ўсава.

размаўляў Юры Ліхтаровіч

слухайце размову ў гукавым файле

P.S: Пасьля запісу праграмы стала вядома, што Серж Саргсян падаў у адстаўку з пасады прэм'ер-міністра Армэніі.