Logo Polskiego Radia
Print

Балтыйскае мора – гіт сярод чэскіх турыстаў

PR dla Zagranicy
Anna Zadrożna 29.06.2016 16:40
З-за неспакойнай сытуацыі ў Міжземнамор'і чэхі сталі цікавіцца адпачынкам на польскім моры.
Photo: pixabay.com/Creative Commons Public Domain CC0

Чэхі ніколі не адпачывалі на польскім моры, яны хутчэй выбіралі балтыйскія пляжы Нямеччыны. Аднак сёлета пагроза тэрактаў у Турцыі й Эгіпце й страхі, зьвязаныя з хваляй нелегальных мігрантаў у Грэцыі, а таксама натоўп турыстаў на харвацкіх і балгарскіх пляжах прычыніліся да таго, што чэхі сталі цікавіцца адпачынкам на Балтыйскім моры ў Польшчы, паведамляе „Gazeta Wyborcza”.

Чэхі зразумелі, што марскія пляжы ў Польшчы разьмешчаныя бліжэй чым у Нямеччыне й дадаткова яны больш танныя. Газэты ў Чэхіі друкуюць адмысловыя ўкладышы пра Польшчу, а турыстычныя агенцтвы заўважаюць рост зацікаўленьня на сотні адсоткаў.

Чэскія грамадзяне зьдзіўленыя, што ў Польшчы іх чакаюць тысячы кілямэтраў аўтастрадаў і дарогаў хуткага руху, якія ў большасьці бясплатныя. Апрача таго, у Польшчы таньнейшае паліва, а цэны ў рэстаранах і гатэлях прымальныя. Ці Польшча адказвае на гэтае зацікаўленьне суседзяў? Шмат сьведчыць пра тое, што не да канца.

„Было б шкада, калі б зацікаўленьне Польшчай скончылася хутчэй чым яно пачалося. Аднак пра тое, каб прыцягнуць чэхаў, павінен паклапаціцца таксама польскі бок. Пакуль што з боку Польшчы такога зацікаўленьня мы ня бачым”, - скардзіцца ў размове з выданьнем „Gazeta Wyborcza” ўладальнік аднаго з чэскіх турагенцтваў.

аз

Print
Copyright © Polskie Radio S.A Пра нас Кантакт