Кніжкі пра "польскіх" беларусаў прапануюцца беларусам у Беларусі
PR dla Zagranicy
Jolanta Śmiałowska
11.04.2017 16:06
Прэзэнтацыі кніжак пра гісторыю падляскіх беларусаў, бежанства прайшлі ў Горадні, Жыровічах, Клецку і Менску.
Тамаш Сулімаradyjo.net/Яраслаў Іванюк
Музэй Малой Бацькаўшчыны ў Студзіводах, якім ад самога пачатку існаваньня кіруе краязнаўца, этнограф і гісторык Дарафей Фёнік, здаўна займаецца выдавецкай справай.
Побач з часопісам "Бельскі Гостінэць", музей выдае таксама мастацкую літаратуру й кнігі па рэгіянальнай гісторыі. Сярод іх выйшла ўжо чатыры тамы з сэрыі «Гісторыя і культура падляскіх беларусаў».
На мінулым тыдні з гэтымі кніжкамі маглі пазнаёміцца ў Беларусі. Прэзэнтацыі кніжак пра бельскі сойм з 1564 году, пра гарады ў гісторыі падляскіх беларусаў, бежанства ды пра айца Канстанціна Байко прайшлі ў Горадні, Жыровічах, Клецку і Менску.
Бліжэйшым часам Музэй Малой Бацькаўшчыны ў Студзіводах плянуе выдаць чарговую біяграфічную кнігу. На гэты раз пра Яраслава Кастыцэвіча - стваральніка беларускага школьніцтва на Беласточчыне ў пасьляваенны час.
Гутарку з Тамашом Сулімай з Музея Малой Бацькаўшчыны ў Студзіводах запісаў Яраслаў Іванюк.