У Варшаве ўручылі дыплёмы выпускнікам курсаў беларускай мовы

У Культурным цэнтры Беларусі ў Варшаве адбылося ўручэньне дыплёмаў выпускнікам курсаў беларускай мовы. Курсы праходзілі ўжо пяты сэмэстар і, як кажуць арганізатары, яны карыстаюцца папулярнасьцю. Асобы, якія хадзілі некалькі сэмэстраў, ужо вельмі добра размаўляюць па-беларуску.

З віншаваньнямі да ўдзельнікаў зьвярнуўся дарадца Амбасады Беларусі ў Варшаве Юры Кулабухаў. Ён выступіў з прамоваў, прысьвечанай важнасьці і ролі беларускай мовы.

У далучаным гукавым файле размова з выкладчыцай Трацяк Вольгай, якая таксама выкладае на Катэдры беларусістыкі ў Варшаўскім унівэрсытэце, ды з вучнямі, якія атрымалі дыплёмы – Войтэкам і Міхалам.

ав

Юры Кулабухаў