Ці выгадна беларусам закупляцца ў Польшчы?

Беларусы прыяжджаюць у Польшчу перш за ўсё па электроніку, бытавыя тавары ці прадукты харчаваньня. На базары ці ў вялікіх гандлёвых цэнтрах Беластока можна сустрэць нямала беларусаў, якія прыехалі на шопінг.

«На мяжы нам вяртаюць падатак, таму выгадна ездзіць, але і дарога каштуе ды чэргі вялікія», - падкрэсьліваюць беларусы, якія закупляюцца на беластоцкім базары.

Зараз праз мяжу можна правесьці тавар у колькасці не больш за 50 кг раз у тры месяцы. З Новага Году беларускія ўлады абмяжоўваюць колькасць тавару да 25 кг, таксама раз у тры месяцы.

слухайце рэпартаж Анны Пятроўскай у далучаным гукавым файле