Кухня: сёньня - час на слодыч (РЭЦЭПТ)
PR dla Zagranicy
Valery Sauko
26.07.2016 08:12
Нашыя "рэдакцыйныя кухары" Тацьцяна й Валеры выпякуць крохкае й смачнае пячэньне.
commons.wikimedia.org/Public Domain
Сёньня ў кулінарнай рубрыцы зоймемся слодыччу. Справа ў тым, што Тацьцяна Царук вярнулася з водпуску, падчас якога ўдалося раздабыць нямала цікавых рэцэптаў. Тыдзень таму мы распавялі пра адзін зь іх – гэта былі капусныя шніцэлі, а сёньня будзе дэсэрт. У студыі разам зь ёй Валеры Саўко.
Інгрэдыенты:
мука пшанічная – 500 г
масла сьметанковае – 200 г
арэхі молатыя (любыя) – 180 г
цукар – 300 г
гвазьдзіка молатая
карыца молатая паводле смаку
лімонная цэдра
Гатаваньне:
Муку прасеяць, дадаць масла (каб было мяккім), арэхі, цукар, карыцу, гвазьдзіку і цэдру з аднаго лімона, усё гэта дакладна перамяшаць – атрымаецца сумесь, падобная на мокры пясок. Напаўняем формачкі й выпякаем у разагрэтай да 220 градусаў духоўцы. Пячэньне павінна застацца сьветлым, бо ў адваротным выпадку перасушыцца. Яшчэ гарачае пячэньне абвальваем у цукровай пудры. Чым больш яно будзе стаяць, тым больш будзе рассыпістым. Можна захоўваць у слоіку.
Смачна есьці! Smacznego! Bon Appetit! Guten Appetit! Приятного аппетита! Eet smakelijk!
дапаможнік па гатаваньню - слухайце гукавы файл
здымак мае выключна ілюстрацыйны характар
кд