Палякі ствараюць ліст з графэна
PR dla Zagranicy
Jolanta Śmiałowska
16.02.2017 18:45
Польскія вучоныя вядуць дасьледаваньні з мэтай выклікаць штучны фотасынтэз.
photo: www.pixabay.com
Польскія вучоныя вырашылі выкарыстаць графэн дзеля рэдукцыі вуглекіслага газу, – паведаміў доктар Бартламей Шыя з Уроцлаўскага палітэхнічнага ўнівэрсытэту. Ён спадзяецца, што праз 3 гады ўдасцца атрымаць польскі прататып штучнага ліста.
Мэта праекту заключаецца ў тым, каб падчас працэсу ўтылізацыі CO2 атрымаць энэргетычныя рэчывы, такія як метан і мэтанол, якія можа паўторна выкарыстаць у якасьці паліва. «Мы хацелі б атрымаць мурашыную кіслату, якая вельмі добра падыходзіць для захоўваньня вадароду», – заяўляе доктар Шыя.
З-за вялікай колькасьці СО2, які выкідваецца ў атмасфэру, у сьвеце вядуцца шматлікія дасьледаваньні над утылізацыяй вуглякіслага газу. Інавацыйнасьць польскіх навукоўцаў якраз і заключаецца ў выкарыстаньні ў гэтым працэсе графэну.
«Графэн адзначаецца цікавымі ўласьцівасьцямі з пункту гледжаньня электраправоднасьці, адначасова ён зьяўляецца танным рэчывам, яго лёгка вырабіць у вялікай колькасьці», – зазначае Бартламей Шыя з Уроцлаўскага палітэхнічнага ўнівэрсытэта.
Эфірны выпуск перадачы "Навука й тэхніка" ў далучаным файле
яс