Кухня: тартар (РЭЦЭПТ)

Сёньня ў кулінарнай рубрыцы прыгатуем страву, якая малавядомая ў Беларусі, але папулярная ў Польшчы. А ўвогуле страва мае далёкія гістарычныя карані, якія сягаюць пэрыяду Татара-Мангольскай Арды. Ля мікрафону Валеры Саўко й пастаянны госьць студыі Тацьцяна Царук.

Бярэм ялавічыну, найлепей выразку, 300-400 г. Мяса павінна мець адпаведны колер і пах. Ялавічыну рубім вострым нажом (на мясарубцы абсалютна нельга!). Дадаём соль і сьвежазмолаты перац, можна крыху соўсу табаска, францускай гарчыца (робіцца на базе цэлых зярнят), крышачку алею (можна аліўкавы) й робім «шайбачку».

Пасярэдзіне «шайбачкі» робім паглыбленьне, куды ўбіваем жаўток яйка. Побач на талерцы кладзем дробна парэзаную цыбулю альбо шалот, карнішоны, каперсы, можна базілік, пятрушку, парэзаныя марынаваныя грыбы альбо шампіньёны, іншыя саленьні, можна чацьвярцінку лімона й абавязкова – дробна парэзаны кіслы альбо марынаваны агурок.

спосаб прыгатаваньня – слухайце гукавы файл

на відэа: рэцэпт і спосаб прыгатаваньня клясычнага тартара ў Польшчы

на фота: розныя варыянты падачы тартара

www.flickr.com/Joselu Blanco

www.flickr.com/ Hotel Messnerwirt

www.pixabay.com