Вядомы тэрмін выхаду гульні ад аўтараў «Ведзьмака»
PR dla Zagranicy
Jolanta Śmiałowska
23.03.2017 17:20
Новая гульня польскай кампаніі CD Projekt RED называецца «Cyberpunk 2077».
Photo: YouTube/screen
Польская кампанія CD Projekt RED, якая выпусьціла ў сьвет тры сэрыі папулярнай кампутэрнай гульні “Вядзьмак”, распрацоўвае чарговую гульню, якая пераносяць геймэраў у будучыню. Гульня называецца «Cyberpunk 2077».
Яна грунтуецца на настольнай гульні Майка Пондсміта «Cyberpunk 2020» і яго шматлікіх кнігах аб выдуманым сьвеце кібэрпанка. Дарэчы, аўтар актыўна ўдзельнічаў у падрыхтоўцы гульні.
«Cyberpunk 2077» будзе значна адрозьнівацца ад слаўнай сэрыі пра ведзьмака. Там зьявіцца шматкарыстальніцкі рэжым, а геймэры змогуць самастойна ствараць сваіх герояў.
Рэалізацыя гульні ў значнай ступені фінансуецца эўразьвязаўскімі сродкамі. Кампанія CD Projekt RED распрацоўвае чатыры комплексныя тэхналёгіі:
1. Seamless Multiplayer – мультыплеер – якая дазваляе ствараць унікальны геймплэй для некалькіх гульцоў.
2. City Creation – тэхналёгія для стварэньня «жывога», буйнамаштабнага горада, у якім можна гуляць у рэжыме рэальнага часу. Тэхналёгія заснавана на прынцыпах штучнага інтэлекту і аўтаматызацыі.
3. Cinematic Feel – комплексная тэхналёгія для забесьпячэньня ўнікальнай, кінэматаграфічнай якасьці гульні.
4. Animation Excellence – тэхналёгія, якая дазваляе значна павялічыць якасьць анімацыі постацяў.
Гульня «Cyberpunk 2077» павінна зьявіцца на рынку не пазьней чым у ліпені 2019 года.
яс