Фільм ураджэнца Баранавіч – найлепшы ў Эўропе (відэа)
PR dla Zagranicy
Dzmitry Hurnievic
16.11.2011 11:17
У Лодзі адбыўся XVI Эўрапейскі форум“Cinergia”.
Мастацкі дэбют вядомага дакумэнталіста Сяргея Лазьніцы, фільм “Шчасьце маё”, перамог у конкурсе за “Найлепшы эўрапейскі дэбют” на XVI Эўрапейскім форуме “Cinergia” ў Лодзі.
Апрача ўзнагароды “Крыштальная лодка”, пераможца атрымаў грашовую прэмію - 10 тысяч злотых.
У конкурсе “Найлепшы эўрапейскі дэбют” прымалі ўдзел 9 карцін. Сярод вельмі моцных канкурэнтаў, журы ў складзе Кшыштафа Занусі, Бруно Шатэлен, Катрын Уіндфэльд аддало перавагу Лазьніцы.
“Шчасьце маё” – гэта партрэт сучаснай Расеі. Стужка складаецца з рэальных гісторый галоўнымі героямі якіх зяўляюцца простыя людзі. Лазьніца распавядае пра краіну, жыхары якой амаль цалкам страцілі мараль і пачуцьцё спагады да іншых. Іх жыцьцё стала зачыненым колам гвалту, забойстваў і насільля.
Стужка атрымала шмат узнагарод на розных кінаімпрэзах сьвету. “Шчасьце маё” было заўважанае й на сёлетнім Любускім кіналеце ў Лагове (Польшча). Падчас кінафэстывалю ў Канах праца Сяргея Лазьніцы была адной з сэнсацый імпрэзы.
Сяргей Лазьніца, дарэчы, нарадзіўся ў Баранавічах, у Беларусі.
дг