Ці мароз будзе працягвацца?

Люты мароз у лютым – гэта нармальная зьява. Усё ж для тых, хто не пераносіць холаду, ня маем станоўчых навінаў.

Загадчык Катэдры мэтэаралёгіі й кліматалёгіі Ўнівэрсытэта Марыі Складоўскаі-Кюры (UMCS) прафэсар Багуслаў Міхал Кашэўскі кажа, што цяперашняя хваля павышанага атмасфэрнага ціску з Усходняй Эўропы можа фіксавацца цягам некалькіх бліжэйшых тыдняў.

Багуслаў Міхал Кашэўскі: Хваля, скажам так, усходнеэўрапейскага павышанага атмасфэрнага ціску найчасьцей працягваецца даволі доўга – нават да некалькіх тыдняў. Пакуль цяжка прадугледзець, калі мароз адступіць. Цяпер ён ахоплівае значную частку Эўропы. Халоднае паветра даходзіць амаль да кожнага кутка кантынэнту.

- кажа мэтэароляг.

На жаль, нельга спадзявацца, што люты мароз прычыніцца да зьнішчэньня камароў або кляшчоў. Прафэсар Кашэўскі нагадвае, што ў Азіі ўзімку, як правіла, тэмпэратура значна ніжэйшая, а ўлетку насякомых і так шмат.

аз